TIRANË – Lideri socialist, Edi Rama, deklaroi sot se transparenca nuk ka të bëjë thjesht me hapjen e kutive si objekt por me filozofinë e keqqeverisjes që përditë e më shumë demostron se është një pushtet i grabitur.
“Fatura e re e energjisë është shembull i këtij deformimi, që e ka zanafillën tek kontrata e shkelur më 28 qershor. E njëjta gjë mund të thuhet edhe për shembullin tjetër, problemin e pronarëve të paqenë përmes dokuementetë të falsifikuara në Orikum. Po kështu shihet një mungesë e plotë vëmendjeje ndaj minatorëve të cilët janë të detyuar të shfaqen dhe të rishfaqen në një përpjekje të dështuar para Kryeministrisë për të kërkuar mbajtjen e premtimeve të bërë në fushatë”, u shpreh Rama
Më tej ai vijoi se “ashtu siç mbahen të mbyllura kutitë e votimit, mbahet e fshehur edhe gjendja e ekonomisë shqiptare, e cila është në krizë të thellë. Ndaj të gjithë duhet të bëhemi realist ndaj kësaj të vertete, se transparenca nuk ka të bëjë vetëm me kutitë.
Sipas Ramës, pushteti i lindur në këtë mënyrë na vë në kushtet e një demokracie të kufizuar.
______________
Mbifaturimi flet drejtori i OSSH-së
Gabim njerëzor e ka quajtur drejtori i OSSH, Jozef Haisek, faturimin e energjisë për muajin dhjetor 2009 me çmimin e janarit 2010. Gjatë një deklarate për mediat, Haisek ka sqaruar se do të bëhet vlerësimi rast pas rasti dhe do të nisin kompensimet e konsumatorëve.
“Do të bëjmë vlerësimin rast pas rasti, duke verifikuar gjendjen e matësave dhe nëse vërejmë abuzime do të nisim kompensimet. Muajin tjetër do të nisin kompensimet e konsumatorëve” – tha drejtori i OSSH-së.
Më tej ai ka deklaruar se do të ndëshkohen gjithë ata faturist që do të kapen në gabime të tilla, ashtu si është bërë edhe më parë.
Duke folur për rritjen e çmimit të energjisë, ai ka pranuar se kjo ishte e nevojshme dhe do të shërbejë për rritjen e investimeve në sistemin e energjisë. Përpos kësaj, sipas tij, kjo rritje bëhet edhe për të mbuluar humbjet dhe për të furnizuar vendin me energji.
__________
Kryetari socialist, Edi Rama ka vënë në dukje dje një nga problemet më të mëdha të qytetarëve shqiptarë. Fatura e majme e energjisë elektrike por edhe e ujit. Ai ftoi gjithë qytetarët që s’pranojnë keqqeverisjen t’i bashkohen protestës që do të organizojë Partia Socialiste.
“Me hyrjen e vitit 2010, qytetarët po paguajnë më shumë energji, pasi iu janë faturuar edhe dite të dhjetorit”, u shpreh Rama.
Ai akuzoi qeverinë se po grabit popullin e vet, pasi është aksionere në masën 25 për qind në Operatorin e Shpwrndarjes së Energjisë.
“Te gjithë shqiptarët e pakënaqur nga qeveria dhe nga mënyrat abuzive të veprimit të saj, t’i bashkohen protestave të Partise Socialiste”, u shpreh Rama sot në nëj proncim për mediat.
____________
27 shkurt
Braçe: Prokuroria të hetojë vjedhjet e OSSH
Partia Socialiste ka kërkuar sot ndërhyrjen e prokurorisë për atë që po ndodh me çmimin e rritur të energjisë, faturat afrofe dhe heshtjen e qeverisë.
Deputeti Erion Braçe gjatë një konference për shtyp ka deklaruar se aplikimi i çmimit të rritur të janarit që në dhjetor, po konsumohet, e bashkë me të edhe faturat afrofe në mënyrë abuzive, por kësaj radhe me çmim të rritur.
“Qytetarët po paguajnë vjedhjen përmes faturimit të energjisë së konsumuar në dhjetor më çmimet që janë ligjore në janar; po paguajnë çmimin e ri të energjisë të rritur tre herë: për fashën deri në 300 kë nga 7.00 lekë në 7.70 lekë; për fashën mbi 300 kë nga 12.00 lekë në 13.50 lekë; për energjinë e ambienteve të përbashkëta nga 7.00 lekë në 8.00 lekë dhe po paguajnë me çmimet e rritura edhe energjinë e pakonsumuar të faturave si afrofe, apo energjinë përtej ditëve kalendarike të një fature normale, nga 30 në 35 ditë”- ka thënë Braçe.
Përballë një situate të tillë, sipas Braçes, kavalieri moralist, Sali Berisha po hesht ndërkohë që përgjegjësia është direkt e tij. Ai ka sqaruar se pronësia në kompaninë OSSH dhe pas privatizimit është 75% CEZ dhe 25 % Qeveria e Sali Berishës dhe më këto aksione ai duhet të kishte mbajtur qëndrim.
Më tej, ka vijuar Braçe, pronësia e CEZ mbi OSSH, u garantua nga një proces privatizimi drejtuar e përcaktuar nga qeveria e Sali Berishës. “Vendimi për rritjen e çmimit të energjisë elektrike që tani po shërben për të shtrenjtuar dhe vjedhjen, u morr nga një ent thellësisht politik dhe nën ndikimin direkt të Sali Berishës”- tha ai, duke kërkuar ndërhyrjen e prokurorisë.
“PS i kërkon prokurorisë të nisë procedim penal për këtë vjedhje masive që po i bëhet qytetarëve shqiptarë. Procedimi penal nuk mund të jetë i njënashëm, vetëm në rastin kur qytetari vjedh dhe nuk paguan energjinë, ai duhet të ndodhë doemos edhe kur qytetari vidhet për energjinë me një faturë që është titull ekzekutiv”- përfundoi Braçe.
Pak dite me pare, serish Braçe denoncoi rritjen e energjisë që në muajin dhjetor, ndërkohë që me vendim qeverie rritja duhet të kishte nisur nga 1 janari.
“Tashmë të gjitha familjeve në vend u ka mbërritur fatura e re, e cila sigurisht është dyfish më e shtrenjtë se ajo e një muaji më parë”, tha Braçe. Sipas deputetit socialist, kjo qeveri ka dorëzuar tashmë pasuritë publike në dorë të klientëve të tij, që vjedhin popullin.
Ai demostroi para mediave faturën e energjisë elektrike, që i referohet periudhës 20 dhjetor 2009 – 21 janar 2010. Braçe koemntoi se: “OSSH ka faturuar energji të konsumuar në dhjetor me çmimin e ri të rritur, hyrë në fuqi me 1 janar, pra në rastin konkret, për dhjetë ditë të dhjetorit energjia është faturuar me 7.70 dhe 13.50 për kilovat. Vjedhje më të qartë se kjo nuk ka”.
Gazeta Shekulli
